Никој не знае што точно се случи во 1995. Ниту тогаш. Ниту сега. Но едно е сигурно, во таа година Паркети го издадоа својот прв албум „Грижа на совеста“, и оттогаш не престанаa. На 21 август, ги славиме тие 30 години непокор, на терен што не е ниту сцена, ниту стадион — туку ракометното игралиште. Бидејќи само таму собира толку многу љубов, глас и луѓе што не се срамат да пеат „На месечина те заборавив“ и да скокаат на „Строубери“. Ова не е концерт за елитите. Ова е концерт за оние што се сеќаваат на бендот уште кога беа мали и носеа маици со лого Анархија, за оние што оделе на свирка дури и кога немало струја. Ова е бенд и за новите деца, кои допрва ќе откријат дека Паркети постоеле пред TikTok, пред WiFi, пред… безлактозното млеко.

Паркети & Френдс на голем битолски концерт