Уживајте во звуците на филмската музика преку новогодишниот гала концерт во организација на Македонско-американската алумни асоцијација (МААА). Концертот “Skopje Meets Hollywood: A Night of Film Music” е божиќно патување со музички изведби на филмска музика од Наде Талевска, Јасна Димитровска и Елена Васова, а под диригентската палка на Владимир Димовски. Преку музика ја продолжуваме традиционалната прослава на долгогодишното пријателство со Соединетите Американски Држави и во најубавиот период од годината ја празнуваме соработката помеѓу двете општества и помеѓу МААА и Амбасадата на САД во Скопје.